ချက်နည်းပြုတ်နည်းများ
ချစ်သောမောင်နှမများအားလုံး မင်္ဂလာပါရှင့့့် 
မောင်နှမများကို ဒီနေ့တော့ ဖားသားကို ငရုတ်သီးစိမ်းနဲ့ စပ်စပ်လေးချက်ပြီး ပင်စိမ်းမွှေးလေး အုပ်ပြီး ချက်ကျွေးပါဦးမယ်နော့့့် 
မော်လမြိုင်က သူငယ်ချင်းတစ်ယောက်နဲ့ စကားစပ်မိတော့ သူက တရုတ်ဆိုင်မှာ ဟင်းသွားဝယ်ရင်းနဲ့ ဖားသားကြော်ကို တွေ့ခဲ့တယ်တဲ့့့  အဲ့ဒီဆိုင်မှာချက်ထားတာက ဖားသားကို တန်ပူရာမှုန့်နဲ့ ကပ်ကြော် ထားတာတဲ့့့  သူချက်စားဖြစ်တာကျတော့ ဖားကို ချင်းများများနဲ့ ကြွပ်နေအောင်ကြော်၊ ပြီးတော့မှ ငရုတ်သီးခွဲကြမ်းနဲ့ ကြက်သွန်ဖြူနီလေးတွေ ထည့်ပြီး မီးနွေးနွေးနဲ့ ကြော်ပြီး အကြွပ်ကြော်လိုမျိုးပဲ စားဖူးတယ်တဲ့့့  အဲ့ဒါ ဖားသားဟင်းကို မော်လမြိုင်လိုမျိုး ချက်စားချင်တာ့့့ နည်းလမ်းလေးပေးပါဦးတဲ့့့ 
အဲ့ဒါနဲ့ပဲ ပင်စိမ်းမွှေးဖားသားလေးကို အစပ်ချက်လေးချက်ပြီး မျှဝေပေးလိုက်ရပါတယ်ရှင့့့် 
လိုအပ်တဲ့ပစ္စည်းတွေက ဖားသား (၂၅) ကျပ်သား၊ ကြက်သွန်ဖြူဥတစ်လုံး (၇) လုံး၊ ချင်း လက်တစ်ဆစ်၊ စပါးလင် (၁) ပင်၊ နီအရွယ်တော် (၃) လုံး၊ ငရုတ်သီးစိမ်း (၁၅) တောင့်၊ ပင်စိမ်း (၇) ခက်၊ ငံပြာရည် ထမင်းစားဇွန်း (၂) ဇွန်း၊ ဆား လက်ဖက်ရည် ဇွန်း ဇွန်းတစ်ဝက်၊ ဟင်းခတ်မှုန့် နဲ့ သကြား လက်ဖက်ဇွန်း တစ်ဝက်စီ၊ ငရုတ်သီး အပုပွတောင့် (၅) တောင့်၊ နနွင်းမှုန့် အနည်းငယ်နဲ့ ဆီ နှစ်ကျပ်ခွဲသားတို့ပါနော့့့် 
ဝယ်လာခဲ့တဲ့ ဖားက ဥလေးတွေပါတယ့့့်  တော်တော်လေးကို အကောင်လည်းကြီးတယ့့့်  ဖားကို သန့်စင်ပြီးတော့ ဆား၊ ဟင်းခတ်မှုန့်၊ သကြား၊ ငံပြာရည်တို့နဲ့ နယ်နှပ်ထားပါ့့့ 
ငရုတ်သီးပုပွတောင့်ကို အစေ့ထုတ်၊ ရေနွေးနဲ့စိမ်ပြီး ထောင်း၊ ချင်းနဲ့ စပါးလင်ကို ထည့်ထောင်း၊ ပြီးတော့ ငရုတ်သီးစိမ်းထည့်ထောင်း၊ ကြက်သွန်ဖြူနီထည့်ထောင်းပါတယ့့့်  အားလုံးအသင့်ဖြစ်ရင် မီးဖိုပေါ် ဒယ်အိုးတင်၊ ဆီထည့်၊ ဆီပူလာရင် နနွင်းမှုန့်လေးထည့်၊ ပြီးတော့ ထောင်းထားတဲ့ ငရုတ်သီး ကြက်သွန်တွေဆီသတ်၊ ကြက်သွန်တွေနွမ်းပြီး မွှေးလာရင် နယ်နှပ်ထားတဲ့ဖားတွေကို ထည့်ပြီး ဆီသတ်ပါတယ်။
ပြီးတော့ မီးအသင့်အတင့်နဲ့ ဖားတွေကို ခပ်ခြောက်ခြောက်လေး ဖြစ်အောင်ထိ ချက်ပါတယ်။ နောက်ဆုံး ကျမှ ပင်စိမ်းမွှေးလေးတွေ အုပ်လိုက်ပြီး ရောမွှေလိုက်ပါနော်။
အဲ့ဒါဆိုရင်တော့ အနံ့အရသာနဲ့ ပြည့်စုံပြီး အရမ်းကို စားလို့ကောင်းတဲ့ ဖားသားဟင်းစပ်စပ်လေးတစ်ခွက်ရပါပြီနော်။
သူငယ်ချင်းရေ့့့ မော်လမြိုင်အလွမ်းပြေ ပင်စိမ်းမွှေးဖားသားအစပ်ချက်လေးကို ချက်စားကြည့်ပါဦးနော့့့်  ချက်စားဖြစ်တဲ့အခါ တို့ကိုလည်း မမေ့နဲ့နော့့့် 
တွဲဖက်စားသုံးနိုင်တာက ကင်ပွန်းရွက်ချဉ်ရည်ဟင်း၊ မန်ကျည်းရွက်ချဉ်ရည်ဟင်း၊ ချဉ်ပေါင်ဟင်း၊ ပဲနီလေးကြာဆံဟင်း၊ အသီးအရွက်ကြော်တို့နဲ့ပါနော့့့် 
ချစ်သောမောင်နှမများအားလုံးလည်း ဖားသားလေးများ ၀ယ်ဖြစ်ခဲ့ရင် ဒီလိုလေး ချက်စားကြည့်ကြပါဦးနော့့့် 
ချစ်သောမောင်နှမများအားလုံး မင်္ဂလာပါရှင့့့်  မောင်နှမတွေနဲ့ စီဘောက်စ်ကနေလည်း စကား မပြောရ၊ ကော်မန့်လည်း ပြောလို့မရတဲ့ဘ၀ဖြစ်ပေမယ့့့်  မောင်နှမတွေအတွက် ဟင်းပွဲလေးတွေ တင်ပေးချင်တဲ့စိတ်က အမြဲတမ်း ရှိပါတယ်နော့့့ 
ဒီနေ့ မောင်နှမတွေကို ပဲပင်ပေါက်သနပ်လုပ်နည်းလေး မျှဝေပေးပါဦးမယ်နော့့့်  ဒီနည်းလေးကို facebook မှာ တင်ပေးပြီးပေမယ့် ဘလော့ဂ်ကို အလည်လာကြတဲ့မောင်နှမတွေအတွက်လည်း မျှဝေပေးချင်လို့ပါနော့့့် 
ဒီသနပ်လေး လုပ်ရင်း မော်လမြိုင်က အစ်ကိုတစ်ယောက်ကို သတိရမိတယ့့့်  ဒီနေ့ ဘာချက်စားလဲ ညီမလေးလို့ မေးတော့့့  ပဲပင်ပေါက်သနပ်လို့ ပြောတော့ အစ်ကိုက့့့့ မိလုရေ့့ နင်က အခုတော့ နေပြည်တော်ရွှေမြို့သူကြီးဖြစ်နေပြီဆိုတော့ မော်လမြိုင်လေသံပျောက်နေပြီး အသံတွေတောင်ပြောင်းကုန်ပါလားတဲ့့  တကယ်တော့ ကိုယ့်ဇာတိရဲ့ လေသံဆိုတာလေ ဘယ်လိုမှ ဖျောက်ဖျက်လို့မရပါဘူ့း့့ 
အော့့့်  မော်လမြိုင်မှာ ပဲပင်ပေါက်လို့မှ မခေါ်တာပဲနော့့့်  ပဲတီလို့ ခေါ်တာ ဟုတ်တယ့့့်  ဟုတ်တယ့့့် မနက်ခင်းမိုးလင်းရင် အထမ်းသယ်က အော်ရောင်းတယ်လေ့့့  ပဲတီပဲမှုန့် (ပဲပင်ပေါက်+ပဲပြားကို ဆိုလိုတာပါ) လို့လေ့့့  အဲ့ဒါဆိုရင် မော်လမြိုင်လေသံမပျောက်တော့ဘူး ဟုတ်တယ်ဟုတ့့့်  လို့ ပြန်ပြောလိုက်တယ့့် 
အစ်ကိုက အဲ့ဒါမှ ငါတို့ မော်လမြိုင်သံစစ်စစ်တဲ့့့  ဒါနဲ့လေ့့့  အဲ့ဒီပဲတီသနပ်လုပ်နည်းလေး ကို ပြောပြပါဦးတဲ့့့ 
အဲ့ဒါနဲ့ပဲ ပဲတီသနပ်လို့ ခေါ်တဲ့ ပဲပင်ပေါက်သနပ်ကို အားလုံးအတွက် မျှဝေပေးလိုက်ရပါတယ်နော့့့် 
ပဲပင်ပေါက်များကို အမည်းရောင် ပဲဖတ်လေးတွေ အရင်သန့်စင်ပေးရမယ်နော့့့်  ပြီးမှ ရေနဲ့ သန့်စင်အောင်ဆေးပါမယ့့့်  ပြီးရင် ရေနွေးပွက်ပွက်ဆူအောင် တည်ထားတဲ့အထဲမှာ နနွင်းမှုန့်လေး အနည်းငယ်ထည့်ပြီး ပွက်ပွက်ဆူလာရင် ပဲပင်ပေါက်တွေကို ထည့်ပြီး ရေနွေးဖျောပြီး ပြန်ဆယ်ပါတယ်။
အဆာပလာအတွက် စပါးလင်လတ်လတ်ဆတ်ဆတ်ကို ပါးပါးလှီးထားပါ။ မြေပဲဆန်လှော်ထောင်းထားပါ။ ငါးပိစိမ်းစားအနည်းငယ် မီးကင်ထားပါ။ မီးမကင်ဖြစ်ရင် ကြက်သွန်နီဆီချက်ချက်ပြီးတဲ့အခါ ကြက်သွန်ကြော်တွေကို ဆယ်ယူပြီးတော့ မီးဖိုမီးပိတ်ပြီး အဲ့ဒီဆီပူထဲမှာ ငါးပိလေးကို အသာလေး ထည့်ပြီး ကြော်ထားပါ။
ဇလုံတစ်လုံးထဲ ပဲပင်ပေါက်ရောနွေးဖျောကိုထည့်ပြီး စပါးလင်၊ ဆား၊ သကြား အနည်းငယ်၊ ငါးပိစိမ်းစား၊ မြေပဲဆန်လှော်ထောင်း၊ ကြက်သွန်နီဆီချက်၊ အချဉ် အရသာအတွက် ရှာလကာရည် (သို့မဟုတ်) သံပရာရည် (သို့မဟုတ်) မရမ်းပြား ကိုထည့်ပြီး သမအောင် နယ်ပေးပါ။ အရသာအပေါ့အငန်မြည်းပြီး နှမ်းစေ့လေးတွေပါ ထည့်လိုက်ရင် အနံ့အရသာနဲ့ ပြည့်စုံလှတဲ့ ပဲပင်ပေါက်သနပ် အရန်ဟင်းတစ်ခွက်ကို ရရှိစေမှာပါ။
အုန်းထမင်း၊ ထောပတ်ထမင်း၊ ဆီပြန်ဟင်း၊ ဘာလချောင်ကြော်တို့နဲ့ တွဲဖက်စားသုံးနိုင်ပါတယ်နော်။
မောင်နှမတို့လည်း တစ်ခါတလေကျရင် ပဲပင်ပေါက်ပဲပြားကြော်အစား ပဲပင်ပေါက်သနပ်လေး လုပ်ပြီး စမ်းသပ်စားသုံးကြည့်ကြပါဦး။
ချစ်သောမောင်နှမများအားလုံး မင်္ဂလာပါရှင်။ဒီနေ့တော့ ကျွန်မရဲ့ မောင်နှမတွေကို ၀က်သားကင်နည်းလေး မျှဝေပေးပါရစေရှင်။
ဝက်သားကို သန့်စင်အောင်ဆေးကြောပြီးတစ်လက်မအထူ၊ အလျားအရှည်ကတော့ ကိုယ်လိုချင်သလောက် အရှည် ထားနိုင်ပါတယ်။သုံးထပ်သားဖြစ်ဖြစ်၊ အသားဖြစ်ဖြစ်၊ ၀က်နံရိုးပဲဖြစ်ဖြစ်ပေါ့။ ပြီးရင် ၀က်သားတွေကိုဆူးချွန်နဲ့ ထိုးပေးပါ။ သုံးထပ်သားကင်မယ်ဆိုရင် အခေါက်ဘက်ကို အဓိကသတိထားပြီးဆူးချွန်နဲ့ထိုးပေးပါ။
စပါးလင်အနည်းငယ်၊ ချင်းအနည်း ကြက်သွန်ဖြူ၊ငရုတ်သီးစိမ်းတို့ကို ညက်အောင်ထောင်းပါ။ ပြီးရင် ဇလုံတစ်ခုထဲ ၀က်သား(အသား/သုံးထပ်သား/၀က်နံရိုး နှစ်သက်ရာကို) ကို ထည့်ပြီး ခုနက ထောင်းထားတဲ့အဆာပလာတွေထည့်၊ ပြီးရင် ဆား၊ သကြား၊ ပဲငံပြာရည်အပျစ် (သိပ်များရင်အရောင်မည်းသွားတတ်ပါတယ်)၊ ပဲငံပြာရည်အကြည်၊ တရုတ် မာဆလာ၊ တရုတ် နံနံရွက်နုတ်နုတ်စင်း(အနံ့မကြိုက်ရင် မထည့်ပါနဲ့)၊ ငရုတ်ဆော့စ်အနည်းငယ်၊ နှမ်းဆီမွှေး အနည်းငယ်တို့ပါထည့်ပြီးသမအောင် နယ်ပေးပြီး ပလတ်စတစ်ဗူးထဲထည့်၊ လုံအောင်ပိတ်ပြီး ရေခဲသေတ္တာထဲ ထည့်ပြီးအနည်း ဆုံး ခြောက်နာရီလောက် နှပ်ပေးထားတာပါ။
(၀က်သိုးစော်နံတယ်လို့ပြောတဲ့ကျွန်မရဲ့ မိတ်ဆွေအတွက် ဒီနည်းကို စမ်းကြည့်ဖို့ တိုက်တွန်းပါရစေ။ဝက်သိုးစော် လုံးဝမနံစေရပါဘူးနော်။ အာမခံပါတယ်။) အဆာပလာများကို မိမိကြိုက်နှစ်သက်တဲ့ အနံ့အရသာဖြစ်အောင် ညှိပြီး ထည့်နိုင်ပါတယ်။
ကင်တဲ့အခါ ကျွန်မက Grill စနစ်ပါတဲ့ Microwaveကို သုံးပါတယ်။ Grill system ရဲ့ အပူချိန်က Medium ဖြစ်ပါတယ်။ ကင်ဖို့အတွက်မိုက်ကရိုဝေ့ဖ်ထဲ ကင်စင်ကို အရင်ထည့်ပါတယ်။ ကင်စင်ရဲ့အောက်မှာပန်းကန်ပြားတစ်ချပ်ခံလိုက်ပါ တယ်။ အသားကင်တဲ့အခါ အဆီတွေထွက်လာတဲ့အခါမိုက်ကရိုဝေ့ဖ်ကို ညစ်ပတ်မသွားရအောင်လို့ပါ။ Grill setting ကို ရွေးပြီး ပထမအနေနဲ့၁၅ မိနစ် အပူပေးပြီး အရင်ကင်ပါတယ်။ ပြီးရင် နောက်တစ်ဖက်ကိုလှန်ပြီး နောက်ထပ် ၁၅မိနစ် ထပ်ကင်ပါတယ်။ ပြီးတော့မှ နောက်ထပ်တစ်ဖက်ကို ၅ မိနစ်စီ ထပ်ကင်နိုင်ပါတယ်။ကိုယ်နှစ်သက်တဲ့ကြွတ်ရွမှုအပေါ် မူတည်ပြီး ကင်တဲ့အချိန်အတိုးအလျှော့ကိုလုပ်နိုင်ပါတယ်။ အဲ့ဒါဆိုရင် အနံ့အရသာနဲ့ ပြည့်စုံတဲ့ ၀က်သားကင်ရပါပြီနော်။
မီးသွေး၊ဂက်စ်၊ လျှပ်စစ်မီး ကြိုက်တာနဲ့ကင်နိုင်ပါတယ်နော်။ အဲ့ဒါတွေနဲ့ ကင်တဲ့အခါ အပေါ်မှာ ကင်မယ့် မီးကင်ပြားပေါ် မှာဆီသုပ်ပြီးမှ အသားတွေကို တင်ပြီး ကင်ပါမယ်နော်။ မီးသိပ်မများစေဘဲ အကျက်ညီအောင်မီးအသင့်အတင့်နဲ့ ကင်ပေးပါ။ မီးသိပ်များရင် တူးတဲ့နေရာတူးပြီး အတွင်းသားမကျက်ဖြစ်တတ်ပါတယ်။ ဒါဆိုရင် စားမကောင်းဘူးနော်။
အချဉ်အတွက် ဘိတ်ချဉ်လုပ်ပါမယ်။ကြက်သွန်ဖြူနဲ့ ငရုတ်သီးစိမ်းကို ပါးပါးလှီးပေးပါ။ ပဲငံပြာရည်အကြည် ၂ ဆကိုရှာလကာရည် ၁ ဆထည့်ပါ။ ပြီးရင် ဆားနည်းနည်း၊ သကြားနည်းနည်းထည့်ပြီး ကြက်သွန်ဖြူနဲ့ငရုတ်သီးစိမ်းကို ထည့်ပြီး မွှေလိုက်ပါ။ အဲ့ဒါဆိုရင် အချဉ်ရပါပြီ။
အဲ့ဒါဆိုရင် အနံ့အရသာနဲ့ ပြည့်စုံတဲ့ဝက်သားကင်ရယ်၊ ဘိတ်ချဉ်ရယ်၊ အသီးအရွက်အတွက် ဆတ်လတ်ရွက်၊ ချယ်ရီ ခရမ်းချဉ်၊ကြက်သွန်မြိတ်စတာတွေနဲ့ တွဲဖက်သုံးဆောင်နိုင်ပါတယ်။ ကင်မ်ချီနဲ့လည်း တွဲဖက်သုံးဆောင်နိုင်ပါတယ်နော်။အဆင်ပြေကြပါစေရှင့့့် 
ချစ်သောမောင်နှမများအားလုံး မင်္ဂလာပါရှင့့့် အမဲခြောက်လုပ်နည်းကို ဟိုနေ့က ဘလော့ဂ်မှာ ရေးပြီး draft မှာ ဆေ့ဖ်လုပ်ခဲ့ပြီး အပြင်သွားလိုက်တာ ပြန်လည်းလာရော တစ်လုံးမှ မကျန်တော့လို့ ထိုင်ငိုလိုက် ရသေးတယ်။ စိတ်နာနာနဲ့ ဒီနေ့ ဒီမှာ အပြီးရေးပြီး ပြန်တင်မယ်။
အမဲသား အသားကောင်းကောင်းကို ၀ယ်ပြီး ရေမဆေးဘဲ တစ်သျှူးနဲ့ သန့်စင် ပေးပါ။ ပြီးတော့ အမဲသားကို လက်နှစ်လုံးအထူ ခြောက်လက်မ အရှည်လောက်ရအောင် လှီးပေးပါ။ ပြီးတော့ ဆား၊ သကြား၊ သံပရာသီးတစ်လုံးရဲ့ အရည်နဲ့ ချင်းစိမ်း လက်သုံးဆစ်ကို ထောင်းပြီး အားလုံးရောပြီး အမဲသားထဲ ထည့်နယ်ပေးပါ။
ပြီးရင် အမဲသားတွေ ကို သီတံနဲ့ပဲ လှန်းလှန်း၊ ဇကာနဲ့ပဲလှန်းလှန်း ခြောက်အောင် လှန်းပါ။ မြန်မာနိုင်ငံ မှာ နေကျဲကျဲတောက်ပူရင် နှစ်ရက်လှန်းရင် ကောင်းကောင်းခြောက်ပါတယ်။ ချင်းရယ် သံပရာရည်ရယ် ပါတဲ့အတွက် အမဲသားခြောက်လှန်းနေတဲ့အချိန်မှာကတည်းက အနံ့က တော်တော်လေး ဆွဲဆောင်မှု အားကောင်းပါတယ်။တစ်ရက်နေလှန်းပြီးရတဲ့အသားကိုလေ ကင်စားရယ် အမဲသား ရို့စ်လေး လိုပဲ မွှေးမွှေးအိအိလေးနဲ့ စားလို့ကောင်းသလို ၂ ရက်နေလှန်းပြီး ကောင်းကောင်းခြောက်နေတဲ့ အမဲခြောက်ကို မီးသွေးမီးနဲ့ပဲ ကင်ကင်၊ မိုက်ကရိုဝေ့ဖ်နဲ့ကင်ကင် အနံ့အရသာနဲ့ အရမ်း ကို ပြည့်စုံပါတယ်။ ရလာတဲ့ အမဲခြောက်ကို သတင်းစာစက္ကူပတ်၊ ပလတ်စတစ်အိတ် နဲ့ လေလုံ အောင်ထုပ်ပြီး အကြာကြီး သိမ်းထားနိုင်ပါတယ်နော်။
ကင်တဲ့အခါမှာ ပထမ ၇ မိနစ်လောက် ကင်ပြီးတော့ အမဲခြောက်ကို မွမွလေးဖြစ်အောင် ငရုပ်ကျည်ပွေ့နဲ့ ထုပေးပါတယ်။ ပြီးတော့မှ နောက် တစ်ဘက်ကို လှည့်ပြီး ကင်ပါတယ်။ ၃ မိနစ်လောက်ကင်လိုက်၊ ထုပေးလိုက်၊ အဲ့ဒီလိုနဲ့ အားလုံး အကျက်ညီအောင် ကင်ပြီးတော့မှ ပဲဆီမွှေးလေးဆမ်းပါ နော်။ အဲ့ဒါကို ကောက်ညှင်းပေါင်းနဲ့ဖြစ်ဖြစ်၊ ထမင်းဖြူ ပူပူလေးနဲ့ဖြစ်ဖြစ် တွဲဖက်သုံးဆောင်နိုင် သလို ကောက်ညှင်းမွှေးလက်ဖက်ခြောက်ခပ်ထားတဲ့ ရေနွေးကြမ်းပူပူလေးနဲ့လည်း သုံးဆောင်နိုင်ပါတယ်။ အဖျော်ယမကာ ကြိုက်နှစ်သက်သူတွေအတွက်လည်း အမြည်းတစ်လက်ပေါ့။
မိုက်ကရိုဝေ့ဖ်နဲ့ ကင်တဲ့အခါမှာ Grill Setting ကို ရွေးလိုက်ပါ။ Grill Setting က မီးအားက Medium အဆင့်မှာ ရှိပါတယ်။ Grill Setting ရွေးပြီးတဲ့အခါ စတီးစင်လေးကို တင်လိုက်ပါ။ အဲ့ဒီအပေါ်ကနေမှ အမဲခြောက်လေးတွေကို တန်းစီပြီး တင်ပါတယ်။ ပြီးတော့ မလုက ၁၀ မိနစ် အပူပေးလိုက်ပါတယ်။ ၁၀ မိနစ်ပြည့်ရင် အမဲခြောက်တွေကို ငရုတ်ကျည်ပွေ့နဲ့ အသာထုပေးပါတယ်။ ပြီးမှ ၃ မိနစ်တစ်ခါ တစ်လှည့်စီ လှည့်ကင်ရင်းနဲ့ ထုလိုက် ကင်လိုက် လုပ်ပေးပါတယ်။ အားလုံး မိနစ် ၂၀ လောက်ဆိုရင်တော့ အနံ့အရသာနဲ့ အလွန်ပြည့်စုံလှတဲ့ အမဲခြောက်ကင်လေး ရပါပြီနော်။ ချင်းရည်နဲ့ ချင်းဖတ်လေးတွေပါတဲ့ အတွက် အမဲခြောက်ရဲ့ အနံ့အရသာက အရမ်းကို ကောင်းမွန်လှပါတယ်။ စမ်းသပ်ကြည့်ကြပါဦးနော်။
အမဲခြောက်ကို မီးဖုတ်တာအပြင် ခရမ်းချဉ်သီးနဲ့ချက်တာရော၊ ပြုတ်ကြော်လုပ် တာရော၊ ဘာလချောင် ကြော်တာပဲဖြစ်ဖြစ် နည်းမျိုးစုံနဲ့ ချက်စားလို့ ရပါတယ်။အမဲသားနံ့ညှီလို့ မခံနိုင်ဘူး ဆိုတဲ့ မောင်နှမတွေအတွက်၊ အမဲသား ချက်ရတာ အနူးခက်တယ်ဆိုတဲ့ မောင်နှမတွေအတွက် ဒီ နည်းလေးက အရမ်းကို အဆင်ပြေပါတယ်နော်။ နောက်ပြီး အမဲသားဟင်းချက်ရင် အဆီတွေနဲ့ ခဲသွားတဲ့ ပြဿနာမျိုးလည်း မကြုံရတော့ဘူးလေ။ စမ်းသပ်ကြည့်ကြပါနော်။
အမဲသားမစားတဲ့ မောင်နှမတွေကတော့ ဆတ်သား၊ ဆိတ်သားတို့ကို ဒီနည်းနဲ့ အခြောက်လှန်းပြီး လုပ်စားနိုင်ပါတယ်နော်။
You need to be a member of How to Cook to add comments!